მეცნიერება და რელიგია დღეს

როგორც ზემოთ ვთქვით, მეცნიერება და რელიგია ერთმანეთთან შეუთავსებელ მდგომარეობაშია, მოკლედ რომ ვთქვათ, მეცნიერება ვითარდება რელიგიის საწინააღმდეგოდ, ვითუმეტეს რომ, ამას ბევრი პროპაგანდისტი მეცნიერი ჰყავს. მათი მიზანია ხალხს აუხსნან ''სამყაროს მუშაობა ღმერთის ცნების გარეშე'', რაც მცდარია და სამწუხარო. 

     ზოგიერთი მეცნიერის აზრით, რელიგია და მეცნიერება აბსოლუტურად სხვადასხვა მიმართულებაა და შეუძლიათ ერთმანეთისგან დამოუკიდებლად ''იარსებონ''. თუმცა სხვათა აზრით, ესენი უნდა განვიხილოთ ერთ კონტექსტში და ერთ-ერთი მათგანი უნდა გავმიჯნოთ მეორესაგან.  კითხვაზე ''მეცნიერება და რწმენა  არის თუ არა ურთიერთთავსებადი'' მოვიყვან ორი ცნობილი მეცნიერის პასუხებს:

      ფრენსის კოლინზი - ერთ-ერთი წამყვანი ამერიკელი გენეტიკოსი, ფიზიკოსი და მორწმუნე  - პოპულარული ენით გადმოგვცემს სამყაროს შექმნისა და დედამიწაზე სიცოცხლის დაბადების, ასევე „დნმ“ - ს აგებულების შესახებ თანამედროვე მეცნიერულ წარმოდგენებს და მსჯელობს მის რელიგიასთან ურთიერთგადაკვეთის წერტილებზე - „მეცნიერული ათეიზმის“, კრეაციონიზმის, „გონიერი ჩანაფიქრის“ და ბოლოს, „თეისტური ევოლუციონიზმის“ მეშვეობით, რომლის მიმდევარიც გახლავთ იგი.

     აი რას ამბობს კოლინზი კითხვაზე,  მეცნიერება და რწმენა  არის თუ არა ურთიერთთავსებადი', ის პასუხებს შემდეგნაირად:

        დიახ. ღმერთის არსებობა ან არის სიმართლე, ან არა. მაგრამ, რაკიღა ამ საკითხს მეცნიერული ახსნა უნდა მივცეთ, მაშასადამე, ჩენ ვუშვებთ, რომ მეცნიერებას აქვს უნარი ამაზე გაგვცეს პასუხი. ჩემი თვალსაზრისით, რადგან ღმერთი ვერ შემოიფარგლება არსებული ბუნების ფარგლებში, აქედან გამომდინარე, მეცნიერება ვერ შეძლებს რეალურად განსაზღვროს მისი არსებობა. 

        რიჩარდ დოკინზი -  ინგლისელი ანთროპოლოგი, გეოლოგი, ევოლუციონისტი და ცნობილი ათეისტი:დიახ. ასწლეულების განმავლობაში, ღვთის ფიზიკურ ბუნებაში არსებობის მთავარ დამადასტურებელ არგუმენტს წარმოადგენდა, ე.წ. გონიერი ჩანაფიქრის არგუმენტი: ასეთი ლამაზი და ბრწყინვალე, ამასთანავე აშკარად წინასწარი დანიშნულებით დაბადებული ცოცხალი არსებები, მხოლოდ გონიერ დამპროექტებელს უნდა შეექმნა. თუმცა დარვინმა ეს ყველაფერი უბრალოდ ახსნა. მისი გზაარსი - თანდათანობით დახვეწაში, გაუმჯობესებაშია უმარტივესი საწყისიდან პატარ-პატარა სულ უფრო მზარდი ნაბიჯებით უფრო რთულისკენ, უფრო დახვეწილისკენ, უფრო სრულქმნილი შემგუებლობისკენ. ცალ-ცალკე აღებული, განვითარების თითეული ნაბიჯი სრულიად წარმოუდგენელია გავაცნობიეროთ. მაგრამ საკმარისია ამ ყველაფერს დავამატოთ მილიონი წელიწადი და ჩვენ მივიღებთ დაუჯერებელ მონსტრებს, როგორიცაა ადამიანის ტვინი, ან გაზაფხულის წვიმა. მხოლოდ ეს მიზეზიც კმარა, რომ არ გავაკეთოთ დასკვნა, თითქოს მხოლოდ ღმერთს შეუძლია შექმნას ის, რაც ასეთი რთულია.